नाही स्पर्शिणे आकाश मला

नाही स्पर्शिणे आकाश मला
ना तोडणे तारे
इवलेसे एक स्वप्न आहे
तुझाच होऊन जगणे
याच स्वप्नात जगतो आहे
माझी स्वप्नपूर्ती हो
कासावीस हा जीव माझा
माझ्या तृश्नेची तृप्ती हो

क्षण क्षण सारखा विचार तुझा
त्यास थांबणेच नाही
थांबून त्यास मला प्रिये
तुज हरवायचे नाही
हरवून माझ्या प्रेमात तू
माझी प्रेमळ प्रीती हो
कासावीस हा जीव माझा
माझ्या तृश्नेची तृप्ती हो

श्वास हो माझा प्राण हो
अमोदिनी तू अनघा हो
घेवून हात हातात माझा
माझी जीवनधारा हो
हृदयात तू डोळ्यात तू
माझी निर्मल स्नेहा हो
कासावीस हा जीव माझा
माझ्या तृश्नेची तृप्ती हो

जीवन सुंदर लिहिणे आहे
अभिलाषा माझी अखिला हो
ह्या हृदयाच्या घरट्यात तू
माझी जीवन साथी हो
माझी प्रेरणा झालीस तू
आता माझी प्रतिभा हो
कासावीस हा जीव माझा
माझ्या तृश्नेची तृप्ती हो