घेऊन तिरडी खांद्यावरी मी चालीत आहे

घेऊन तिरडी खांद्यावरी मी चालीत आहे
माझीच चीता माझ्या कराने जाळीत आहे

आता पुन्हा का सोडावयाची कोडी वृथा ती
सारा तुझा डाव तू मांडलेला खेळीत आहे

दुनियाच झाली पुरती भिकारी वेड्या कली रे
संपृक्तता ती माझ्या सुखाची झोळीत आहे

खोटे उसासे खोटेच अश्रु अन् सांत्वने ती
लाथा किती ही मारा तुम्ही हो झेलीत आहे

वेड्या सख्या रे आलास तू ना थोडा उशीरा
दे आसवे ती नयनातली मी माळीत आहे